黃世澤：趙家賢呢條友同前海咁多關係都適合做民主動力召集人

 
民主派初選成單嘢都鬼影幢幢，只不過，泛民啲防衛機制都蠢到無朋友，李永達同李華明呢對投共孖寶固然唔駛講。只不過，民主動力 趙家賢 呢條友亦好有問題。我對劉舒燕同 趙家賢 係用同一個標準睇佢地。依家我就係無法信任 趙家賢 呢條友。
 
趙家賢做前海人民法院嘅調解員
 
大家記得東華選區補選，我捉劉舒燕呢件鎅票黨最大證據，就係佢成日出席前海果啲活動，前海係洪為民果條線。依家 趙家賢 一樣有咁嘅問題，我呢張圖係讀者提供，公開大學校友活動嘅screen capture出嚟。如果同共產黨無關係，我想問 趙家賢 點解可以做到前海人民法院嘅調解員，劉舒燕小姐都無 趙家賢 咁勁，可以得到前海人民法院指派做調解員，唔怪得佢鎅票都鎅得咁鬼霉喇。
 
如果呢次初選無一個膠到無朋友嘅Plan B機制，我都未必想煮 趙家賢 重米，只不過，依家 趙家賢 惡到叫張秀賢唔好向傳媒披露民主動力內部嘅嘢，咁我覺得呢啲鬼到唔鬼嘅友仔，都係時候篤爆佢。我唔明民主動力用乜標準決定召集人，但民主動力作為民主派協調嘅大腦，如果出現一啲背景可疑嘅人，咁係無民主派支持者會信呢個機制，我十分之希望 趙家賢 解釋清楚佢同前海之間嘅關係，我唔想類似馮煒光、李華明呢啲投共之徒控制民主派嘅初選機制，另一方面，泛民班大佬，最好都同公眾解釋一吓佢地嘅搵人準則，呢次堅係捉老鼠落米缸，我完全無眼睇，佢仲要係守住泛民嘅其中一個關鍵選區太古城添，認真無眼睇嘅無眼睇。
 
我一向捉鬼都一視同仁，無論你掛住本土定泛民個朵，有證據係鬼我都會攞出嚟講，因為中共第五縱隊嘅手法係全方位，你諗唔嘅鬼招都用得出嚟，當年李光耀打馬共，點解用嘅手法咁神憎鬼厭都要用，都係因為馬共嘅招數師承中共，又狗又仆街，衰過啲老鼠同小強，你無辦法唔用辣招，保住新加坡嘅安寧。
 
其實民主派協調機制，仲靠乜嘢民主動力，有可能戴耀廷教授嘅雷動計劃更有效，至少中共要滲透能影響嘅少好多先。雷動計劃出現仇思達搞破壞都可以有效大家就明。香港搞民主搞組織其實好危險，有組織就會有中共滲透，所以有啲人好想你搞組織嘅話，你小心佢嘅身份同建議。